A illa onde todo é posible, onde
todo pode suceder.
Aquí, entre as pedras aparecen
monstruos mitolóxicos como a Coca de Redondela ou lendas de piratas e corsarios
como vikingos e Francis Drake.
Temos un santo sen mans, que din
que lle romperon para atopar un tesouro
e falando de tesouros… entre nós
e a Praia de Cesantes podemos albiscar unha estatua do Capitán Nemo e dous
buzos á procura do Tesouro de Rande. Ingleses, holandeses, casteláns, franceses…
todos pelexando polas riquezas do novo mundo, todos pelexando na Batalla de Rande.
A solución para manter a formación defensiva? Unha longa cadea tendendo pontes
defensivos entre as dúas liñas de costa do estreito de Rande. Pontes, como a
ponte actual, como as pontes que se tenden entre a rapazada durante estes 8
días.
Cárcel, lazareto, abadía… San
Simón esconde máis de 1000 anos de historia. Sempre presente na vida das xentes
dos arredores. Presente como a música, como as cancións populares,
como as cantigas de amigo que
desde aquí cantaban Martín Códax e Mendinho,
cantando sempre na Illa, cantando
sempre ó Mar de Vigo.
Ondas do mar de Vigo…
Se vistes meu amigo…
Amigos son os que se crean
durante o camiño,
durante a viaxe,
durante a maxia de 8 días
convivindo con xente descoñecida ata que te decatas que non,
que non son descoñecidas,
que xa son as túas amigas
e que moi probablemente endexamáis
esquecerás.
Porque aquí, en San Simón todo
pode suceder
e na Illa o presente é indefinido
porque de campamentos así ten que ser.
No hay comentarios:
Publicar un comentario